DAVAO CITY – Gipadala ni DPWH Secretary Vince Dizon sa Philippine Competition Commission (PCC) ang duha ka kaso nga may kalabotan sa giingong bid-rigging ug manipulasyon aron imbestigahan ug posibleng pasakaan og kaso ubos sa Philippine Competition Act.
Ang unang kaso naglakip sa mga kontraktor nga sila Wawao Builders, IM Construction Corporation, SYMS Construction Trading, St. Timothy Construction Corporation, ug mga kanhing opisyal sa DPWH Bulacan 1st District.
Ang ikaduhang kaso nagpunting sa Sunwest, Inc. ug mga opisyal sa DPWH Regional Office IV-B tungod sa giingong kakulang sa pag-atiman sa mga proyekto sa flood control sa Oriental Mindoro.
Kung mapamatud-an nga nakasala, ang mga molapas mahimong silotan og multa nga ₱110 milyon alang sa unang paglapas ug hangtod ₱250 milyon alang sa sunod-sunod nga mga paglapas. Camille Santos Naraga)(Source: Contributed)