DAVAO CITY – Gibadlong sa City Government of Davao ang publiko nga likayan ang paglapas sa City Ordinance No. 0361-10, nga nagdili sa bisan unsang matang sa pagpataka’g labay, pagbilin, o pagtapok og basura sa pampublikong lugar sama sa parke, kalsada, sidewalk, kanal, ug uban pa.
Sa ilawom sa maong balaud, kini ang silot sa mga masakpan: Unang paglapas: ₱500 nga multa o 4 ka oras nga community service ug pag-apil sa mandatory seminar, Ikaduhang paglapas: ₱1,000 nga multa o 8 ka oras nga community service ug pag-apil sa mandatory seminar
Gihangyo sa lokal nga pangagamhanan ang tanang residente ug bisita sa siyudad nga maglabay sa basura sa hustong lugar aron mapadayon ang kalimpyo ug kaanindot sa Davao, ug malikayan ang pagsang-at sa multa. (Camille Santos Naraga)(Source: Contributed)