Gikalipay sa mga mag-uuma sa Barangay Madaum, Tagum City human opisyal nga gihatag sa Department of Agriculture (DA) ang duha (2) ka corn sheller niadtong Lunes, Enero 26, 2026.
Ang mga makina gidawat sa Sanid Farm Agribusiness Kaagapay Association ug Victory Farm Agrarian Reform Cooperative kung asa gilauman nga makatabang sa mas paspas ug episyenteng pagpanit sa mais, pagpakunhod sa gasto sa uma, ug pagdugang sa ani ug kita sa mga mag-uuma.
Gipasalamatan usab ni Mayor Rey T. Uy ang DA tungod sa padayon nga pagtabang niini sa sektor sa agrikultura, nga nagpalig-on sa panginabuhian sa mga mag-uuma ug nagpausbaw sa lokal nga produksyon sa Tagum City. .(Camille Santos Naraga)(Source: Contributed)