DAVAO CITY – Gipalig-on sa Davao City Government, pinaagi sa City Disaster Risk Reduction and Management Office (CDRRMO), ang mga inisyatibo niini sa disaster preparedness pinaagi sa pakigtambayayong sa mga institusyon sa higher education.
Niadtong Nobyembre 20, nagpirma ang siyudad og Memorandum of Understanding (MOU) uban sa Jose Maria College Foundation, Inc., ug gilauman nga mapirmahan usab ang susamang kasabutan uban sa duha pa ka unibersidad.
Ang kolaborasyon nagtumong sa pagpauswag sa community-based disaster readiness pinaagi sa research support, paghatag og praktikal nga exposure sa mga estudyante sa tinuod nga disaster operations, specialized training, ug technical knowledge exchange.(Camille Santos Naraga)(Source: Contributed)