Davao City – Naalarma ang Davao City Health Office human nga nakatala og daghang kaso sa immunodeficiency virus-acquired immunodeficiency syndrome (HIV-Aids) sa unang bulan palang sa tuig 2023.
Base sa datus sa CHO, 229 ka mga kaso ang natala sa itandi sa 396 ka mga kaso sa HIV-Aids niadtong Enero hangtud Septyembre 2022 base sa pagsubay sa Reproductive Health and Wellness Center (RHWC).
Sa gihimong iSpeak Forum niadtong Nobyembre 23, giingun ni Michael Jesus Mabinay, executive director sa Alagad-Mindanao Inc., nga ang maong rekord nagpakita sa pagtaas sa kaso sa HIV sa bulan sa Enero hangtud Mayo karong tuiga, nga ilang gikakurat labi na nga ang pinakabata nga pasyente sa HIV nag-edad og 10-anyos.
Sa bulan sa Mayo adunay 60 ka mga kaso apil dinhe amg 10-anyos nga pasyente.
Gibutyag sab ni Mabinay nga kasagaran sa mga pasyente anaa sa high school levels.
“Magsugod dapat sa pagtudlo sa mga estudyante mahitungod aning virus. Sex education is important pero naay mga schools naa dili pa ready ani,” sumala ni Mabinay.
Apan bisan paman niini nagpadayon ang kampanya sa Alagad Mindanao, Inc., sa safe sex and regular testing labi na sa mga active sa sex.
Kagahapon, Desyembre 1 ang gihimong Kick-Off sa World Aid’s Day ug sa Davao City gipangunahan kini sa Davao City Aid’s Council (DCAC), Davao City Health Office ubos ni Dr. Mike Ababon ug Dra. Jordana P. Ramiterre head, Davao City Reproductive Health and Wellness Center, (RHWC).
Padayon nga nagoahinumdom ang mga opisyal nga ang unang transmisyon sa HIV-Aids makuha sa “sexual interaction” nga walay proteksiyon, pag-hulamanay og dagom, o uban pang drug injection, ang “male-to-male sexual contact” o ang “heterosexual category”.
Sukad sa pagsugod niadtong 1990s, ang Davao City nakatala na og 4,513 HIV-Aids cases ug mga pasyente diin kadaghanan nag-edad og 18-anyos paubos. (Cheche Diabordo)
(Source: KAMM Media Network Facebook page)