Davao del Sur – Sikop sa kapulisan ang 39 anyos nga usa ka caretaker ug fishpond human namaligya ug shabu sa Digos city.
Giila sa kapulisan ang suspek nga si Renante Jose Anabieza, residente sa Purok 6, Barangay Balutakay, Hagonoy, Davao del Sur kinsa gikonsiderang street level individual.
Base sa report, napalita sa poseur buyer ang suspek human gipahigayon ang drug buy bust operation sa Purok Barungoy, Barangay Dawis, Digos city.
Dugang niini napalitan usab kini og usa ka sachet nga adunay sulod sa gituohang shabu.
Kuyog sa operation sa Digos City PNP ang mga pulis sa RPDEU, PDEU/PIU, PDEA, RIU-PIT, intel sa 1st company DSPMFC ug 1104th MC RMFB-XI.
Sa karon, balhug na ang suspke sa prisohan ug magatubang sa kasong paglapas sa ra 9165 kun comprehensive dangerous drug act of 2002. (Camille Santos Naraga)
(Source: Digos City PNP)