DAVAO CITY – Mipatuman ug search warrant ang Nabunturan Municipal Police Station nga gipangulohan ni PCapt. Jandy Lou Esteban, DCOP, ubos sa direktang superbisyon ni PLTCOL Eduard B. Jungco, COP, kauban ang 1st DDOPMFC ug 1101st MC RMFB11, nga gi-isyu ni Hon. Regina F. Sison Montel, Executive Judge sa Regional Trial Court, Family Court, 11th Judicial Region, Nabunturan, Davao de Oro sa Purok 2, Barangay Mainit, Nabunturan, Davao de Oro.
Ang operasyon misangpot sa pagdakop sa suspetsado nga si Alyas Dodo, 35 anyos, adunay live-in partner, usa ka minero, ug residente sa Purok 2, Barangay Mainit, Nabunturan, Davao de Oro.
Nakuha sa posisyon sa dinakpan ang Usa (1) ka unit nga .22 revolver nga armas nga walay mabasa nga serial number ug Upat (4) ka buok nga buhing bala sa .22 revolver
Ang maong mga ebidensya gi-markahan ug gi-inventory sa lugar sa insidente uban sa presensya sa mga gitawag nga mga testigo sama sa gi-mando sa balaod, lakip na ang suspetsado mismo.(Camille Santos Naraga)(Source: Contributed)