Davao del Sur – Arestado ang duha ka mga indibidwal human gikasa sa mga sakop sa City Drug Enforcement Unit (CDEU) ug Intelligence Unit sa Digos City Police Station, RDEU 11 kauban ang PDEA 11, PDEU, Intel ng 1st DSPMFC at 1104th MC Intel personnel sa Purok Islam, Badiang, Brgy. Sinawilan, Digos City, Davao del Sur.
Giila ang dinakpan nga silas alyas “TOTO”, 19 anyos, Street Level Individual, fruit vendor ug alyas “DODS”, 27 anyos kinsa mga residente sa Purok Islam Badian Brgy. Sinawilan, Digos City.
Nakuha sa posisyon sa mga dinakpan ang 3 ka mga gagmay ug dagkung pakete sa gituohang iligal nga droga nga adunay gibug-aton nga 5.77 gram ug nagkantidad ug P39, 236 pesos, usa ka P1000 peso bill ug android cellphone.
Sa karon, himas rehas ang mga dinakpan ug mag-atubang sa kasong paglaps sa RA 9165 kun Comprehensive Dangerous Drug Act of 2002. (Camille Santos Naraga)
(Source: Contributed)