Davao City – Arestado ang usa ka lalaki human kining mapalitan ug iligal nga droga atol sa gikasang drug buy bust operation sa mga sakop sa Toril Police Station sa Brgy. Toril, Davao City.
Giila ang dinakpan nga si alyas “MARK”, 43 anyos, minyo, electrical technician ug residente sa nahisgutang lugar.
Nakuha sa posisyon sa suspek ang iligal nga droga kung asa adunay gibug-aton nga 1.15 grams ug nagkantidad sa kapin P24,160 pesos.
Sa karon, himas rehas ang suspek ug magatubang sa kasong pglapas sa R.A. 9165 kun Comprehensive Dangerous Drug Act. (Camille Santos Naraga)
(Source: Toril Police Station)