DAVAO CITY – Na-isolate ang Barangay Simamla sa Virac, Catanduanes pagkadomingo, Disyembre 7, human hingpit nga nibuak ang box-culvert bridge nga mao untang nag-unang agianan sa komunidad. Ang pag-collapse sa tulay gikabat sa padayong pag-ulan sa lugar.
Sumala sa usa ka residente nga gi-interbyu sa Radyo Pilipinas Virac, nadaot na daan ang tulay panahon sa Bagyong Uwan, apan mas grabe karon ang pagkaguba tungod sa sunod-sunod nga ulan.
Nagkahiusa karon ang mga residente, tricycle drivers, ug mga boluntaryo aron maghimo og temporaryong dalan para makalihok ang komunidad. Nangayo na sila og tabang sa mga otoridad alang sa dali nga aksyon ug pagtukod og mas lig-on ug dugay nga kapuli sa natagak nga tulay.(Camille Santos Naraga)(Source: Contributed)