DAVAO CITY – Nagsugod na si Presidente Ferdinand R. Marcos Jr. sa inspeksyon sa ₱3.126-bilyong Davao River–Bucana Bridge, kauban si Department of Public Works and Highways (DPWH) Secretary Vince Dizon ug uban pang mga opisyal sa gabinete.
Ang 480-metro nga taytayan gilauman nga makasugakod sa mga 35,000 ka sakyanan kada adlaw, nga dako kaayong tabang sa pagpakunhod sa trapiko sa Davao City ug sa pagpasayon sa paglihok sa transportasyon sa siyudad.
Ang maong proyekto kabahin sa padayon nga inisyatibo sa nasudnong gobyerno aron palig-onon ang imprastruktura ug konektibidad sa rehiyon.(Camille Santos Naraga)(Source: Contributed)