DAVAO CITY – Gikumpirma ni Ely Liano, Spokesperson sa National Bureau of Investigation Southeastern Mindanao Regional Office, nga ang pula nga Toyota Innova ang ilang gi-prioritize karon sa imbestigasyon sa kamatayon ni Tres De Mayo, Digos City, Kapitan Oscar “Dodong” Bucol Jr.
Sa dihang gipangutana bahin sa nakuhang CCTV footage nga nagpakita sa pula nga Innova nga gi-convoy sa usa ka sakyanan sa gobyerno ug giingong anaa karon sa usa ka kampo, mitubag si Liano nga sensitibo pa ang impormasyon ug dili pa sila makahatag og dugang detalye sa publiko.
Sa kasamtangan, nagpadayon ang imbestigasyon sa NBI aron mapasakaan og kaso ang mga tawo nga adunay kalambigitan sa maong krimen.(Camille Santos Naraga)(Source: Contributed)