Davao de Oro – Malampusong misalmot ang 10th Infantry (Agila) Division sa Philippine Army, sa pakigtambayayong sa 11th Regional Community Defense Group (RCDG), sa Philippine Army-wide simultaneous blood donation drive niadtong Agosto 25, 2024. sa Davao del Norte Sports Complex sa Tagum City.
Ang giingong aktibidad nahimong malampuson tungod sa pag kooperar sa sundalo, reservist, ug mga kadete sa ROTC sa tumong nga makatabang sa publiko.
Sumala ni Col. Julito Garay, Direktor sa 11th RCDG nga mapasalamaton kini sa dakong suporta gikan sa among mga sundalo, reservist, ug ilabina sa mga kadete sa ROTC, nga nagpakita sa ilang pasalig sa serbisyo publiko ug patriyotismo.
Ang kalihokan gipalig-on pa sa pagsalmot sa mga sakop sa 1102nd Community Defense Center (CDC), 1102nd Ready Reserve Infantry Battalion (RRIBN), ug mga personahe sa Philippine National Police (PNP) sa Davao del Norte. (Camille Santos Naraga)
(Source: Contributed)