DAVAO CITY – Gipangulohan ni Acting Davao City Mayor Baste Duterte ang serbisyo caravan sa Barangay Manambulan isip kabahin sa pagsaulog sa ika-44 nga Araw ng Barangay niadtong Lunes, Nobyembre 17.
Gidala sa lain-laing lokal nga opisina sa siyudad ug partner agencies ang daghang serbisyo mismo sa barangay, lakip ang libreng medical check-up, dental services, hatag-livelihood programs, social welfare assistance, legal consultation, ug paspaspas nga pagproseso sa dokumento sa on-site booths.
Matud ni Duterte nga padayon ang paningkamot sa city government nga duolon ang batakang serbisyo sa mga komunidad, ilabina sa mga lugar nga adunay limitado nga access sa mga pasilidad ug opisina sa siyudad. Gidayeg usab niya ang barangay council sa ilang suporta ug aktibong pagtabang aron magmalampuson ang kalihokan.
