DAVAO CITY – Nakumpiska sa mga sundalo sa Barangay Balagnan, San Luis, Agusan del Sur ang nagkalain-laing high-powered firearms sa NPA, base sa impormasyon nga gihatag sa misurender nga rebelde nga si alyas “Jonas.”
Ang nakumpiskar naglakip sa usa ka Barrett .50 caliber, usa ka RPG launcher, duha ka AK-47 rifles, ug usa ka RPK magazine.
Sumala sa 4th Infantry “Diamond” Division, resulta kini sa padayon nga operasyon sa 8th Infantry “Dependable” Battalion uban sa lain-laing yunit ubos sa 403rd “Peacemaker” Brigade.
Matud ni LCol Jeorge Jallorina, Acting Commanding Officer sa 8th IB, daku ang papel sa kooperasyon sa katawhan sa pagkadiskobre sa mga armas. Giawhag usab niya ang mga nahibiling rebelde nga mosurender aron makapuyo og malinawon nga kinabuhi uban sa ilang pamilya.(Camille Santos Naraga)(Source: Contributed)