Davao Oriental – Sikop sa mga sakop sa Philippine National Police ug Philippine Army ang usa ka barangay kapitan ug laing tulo ka mga indibiwal atol sa gikasang raid sa Barangay Ompao, Tarragona.
Giila sa kapulisan ang mga dinakpa nga silas barangay Ompao kapitan Constantinople Martino ug ang iyang tulo ka mga helpers nga silas Ryan Binugsodan, Jeovael Cambang ug Abujumma Odoy.
Subay sa report sa PRO XI nakadawat sila og sumbong nga armado ang mga suspek ug sa dihang gisusi, wala kiniy mga legal nga dokumento.
Nakumpiska sa otoridad ang 3 ka mga shotguns, steel magazines nga adunay mga bala, usa ka improvised M79 grenade launcher, usa ka sling bag nga adunay unom ka mga 40 mm grenade ug mga nagkalain-laing magazines.
Nakuha sab sa balay nga gipuy-an ni Cambang ang usa ka .45 caliber pistol, mga magazines ug mga bala.
Sa karon, magatubang sa kasong paglapas sa Republic Act 10591 or Comprehensive Firearms and Ammunition Regulation Act. (Camille Santos Naraga)
(Source: Police Regional Office XI)