Davao De Oro – Patay ang usa ka menor de edad ug samdan ang lima ka mga indibidwal human ang nahitabong bangga sa usa ka pickup ug dump truck sa National highway sa Purok 9, Barangay Tuboran, Mawab.
Subay sa imbestigasyon sa Mawab Municipal Police Station, naglayat gikan sa Maragusan ang pickup paingun sa Tagum City, pag-abot sa kurbadang bahin mi-overshoot kini ug nibangga sa dump truck.
Hinungdan sa pagkamatay sa 14-anyos nga babayeng pasahero sa pick-up samtang daling gidala sa balay tambalan ang lima ka mga samdan.
Sa karon, Anaa na sa kustodiya sa Mawab PNP ang driver sa giingong dump truck.(Camille Santos Naraga)
(Source: PRO XI)