DAVAO CITY – Patay ang usa ka lalaki human tuyoan nga gisunog ang ilang kaugalingon nga balay sa Barangay Nuevo Iloco, Mawab, Davao de Oro, pagkahuman nila maglalis sa iyang asawa.
Matod sa mga residente, nakit-an ang kalayo nga kusog nga misugod sa ilang panimalay. Ang lalaki na-trap sulod sa nagdilaab nga balay ug wala dayon makagawas.
Girespondehan dayon sa mga bombero ug mga volunteer responders ang insidente ug nadala pa sa ospital ang biktima, apan namatay gihapon kini tungod sa grabe nga paso (3rd degree burn) nga nakuha sa iyang lawas.
Sumala sa imbestigasyon, nagbungolay ang bana ug asawa sa wala pa mahitabo ang sunog, nga maoy giingong hinungdan sa iyang desisyon nga didauban ang ilang balay. (Camille Santos Naraga)(Source: Contributed)