Davao City -Usa ka bag-ong gi-anak nga bata nga ginganlan og “Brian Drake” ang nadiskubrehan sulod sa usa ka paper bag sa Singkil Street, Matina Aplaya, Davao City, niadtong Marso 20, 2025. Kauban sa bata ang sulat nga nanghangyo nga palanggaon ug atimanon siya tungod kay ang mga ginikanan dili makaagwanta sa pagpadako kaniya.
Ang kapulisan sa Ecoland Police Station 15 nakadawat og report gikan sa Central 911 bandang alas 5:30 sa buntag. Duha ka babayeng residente ang nakadungog sa hilak sa bata ug mao ang nakadiskubre sa paper bag.
Gidala dayon sa Southern Philippines Medical Center ang bata nga may timbang nga 2.9 kilos, ug anaa na karon sa maayong kahimtang. Padayon ang imbestigasyon sa kapulisan aron matino kung kinsa ang mga ginikanan sa bata. (Camille Santos Naraga)
(Source: Contributed)