DAVAO CITY – Usa ka babaye ang nasamdan human mabanggaan sa usa ka minivan samtang mitabok kini agi sa pedestrian lane sa R. Castillo Street, Ubalde, Agdao, Davao City, kaganinang hapon, Enero 13, 2026.
Sumala sa inisyal nga impormasyon, ang biktima usa ka call center agent. Diha-diha dayong miresponde ang mga awtoridad ug rescue team ug gidala ang biktima sa Southern Philippines Medical Center (SPMC) aron mahatagan og unang tabang.
Padayon pang giimbestigahan sa mga kinauukulan ang maong insidente aron matino ang hinungdan sa disgrasya ug ang posibleng responsibilidad sa drayber nga nalambigit.
Gipahinumduman ang publiko nga mag-amping kanunay sa pagtawid ug pagtuman sa mga balaod sa trapiko aron malikayan ang susamang mga insidente. . (Camille Santos Naraga)(Source: Contributed)