Davao City – Kapin singkuwenta’y sais (56) ka mga kanhi rebelde nakadawat og kinatibuk-ang P3.64M pesos nga kantidad sa assistance pinaagi sa Enhanced Comprehensive Local Integration Program (ECLIP) sa DILG-Administered Package of Assistance nga gipahigayon sa Arcadia Event Center, Matina, Davao City kagahapon, Hulyo 11, 2024.
Ang mga benipisyaryo usa sa mga kanhi rebelde nga mi-surrender ug mibalik sa sabakan sa gobyerno kung asa nakadawat kini ug P65,000 pesos.
Dugang pa nga ang uban nakadawat usab ug dugang insentibo pinaagi sa Firearms Renumeration program sa ilang mga gisurender nga armas.
Ang giingong seremonyas gipasiugdahan ni Atty. J. Melchor Quitain, Jr., Bise Mayor sa Davao City, kauban si BGEN MARION T ANGCAO PA, 1003rd Infantry (Raptor) Brigade Commander, Mrs. Reena Lyn Tayacta, LGOO II, Vicky Sarcena, City Director, ug Atty. Jonah Presto, Focal Person of Peace 911.
Nagpasalig usab ang mga surrenderes nga magpadayon koni sa pagtinabangay sa lain-laing ahensya sa gobyerno aron mapugngan ang pagbalik sa CTG ug mamentinar ang insurgency-free status sa Davao City ingon man Region XI. (Camille Santos Naraga)
(Source: Contributed)