Davao City – Gipakita ni Talomo Police Station Commander Police Major Noel Villahermosa sa usa ka video nga kauban niya ang 56-anyos nga si Rodrigo Cadungog, kinsa giingong nawala human nga mitabang sa batan-ong taga Calinan nga na-missing ug namatay nga si Dennis Roy Panzan.
Buhi, luwas ug himsog si Cadungog.
Suma ni Cadungog, nilakaw siyag alas 7:00 sa buntag niadtong Mayo 30, 2023 paingun sa Compostela Valley.
Wa niya makontak iyang pamilya kay nahibilin ang iyang cellphone sa balay.
Miuli siyag Davao City kay gipahibalo siya sa iyang pamilya ug higala nga gi-report siyang missing. (Camille Santos Naraga)
(Source: DCPO)