DAVAO CITY – Patay ang 66-anyos nga van driver nga si alyas Fred samtang lima ka madre ug usa ka monghe ang nasamdan human mabanggaan ang ilang van og trailer truck alas 3:00 sa hapon, Agosto 11, sa Brgy. Sampagar, Damulog.
Sumala sa report, kalit nga mitipas sa lane ang truck nga gisakyan ni alyas Denden, 29, taga Maguindanao, hinungdan sa aksidente.
Gideklarang dead on arrival si Fred, samtang nakaangkon og samad ang mga madre ug monghe nga pasahero. Anaa na sa kustodiya sa Damulog Police ang driver sa truck.(Camille Santos Naraga)(Source: Contributed)