Usa ka trahedya ang nahitabo sa Barangay Biasong sa sayong buntag, Agosto 13, 2024, human mamatay ang 17-anyos nga estudyante nga si Marcus Hermosa, residente sa Purok Tugas, Zone 5, Barangay Dumlog, tungod sa aksidente sa motorsiklo.
Base sa inisyal nga imbestigasyon sa kapolisan, padulong na unta sa ilang balay si Hermosa pasado alas 2:40 sa kadlawon, dihang nakabangga kini sa gate sa usa ka balay. Giingong kusog ang dagan sa motorsiklo sa oras sa insidente.
Nadiskobrehan usab nga bisan pa nagdala siya og helmet, gibutang lang kini sa iyang siko ug wala masul-ob sa ulo, hinungdan nga mas grabe ang naangkong kadaot.
Gidala pa ang biktima sa tambalanan apan gideklarar kini nga dead-on-arrival. Padayon pa ang imbestigasyon sa Talisay City Police aron masuta ang ubang detalye sa aksidente.
I via Renante Socia Lada