Miabot sa 278 ka benepisyaryo gikan sa 11 ka cultural communities ang nakadawat og libreng serbisyo panglawas atol sa medical mission nga gipahigayon sa Magsaysay Park, Davao City.
Ang kalihokan gi-organisar sa Pulong-Pulong ni Pulong (PPP) sa pakigtambayayong sa Office of Vice Mayor Rodrigo “Rigo” Duterte II isip kabahin sa mga kalihokan alang sa Kadayawan Festival.
Gipangulohan ang medical mission nila Congressman Paolo “Pulong” Duterte, Congressman Omar Duterte, Congressman Isidro Ungab, ug PPP Party-list Representative Harold Duterte.
Gihatagan ang mga benepisyaryo og libreng medical consultation ug nagkalain-laing serbisyo panglawas, lakip na ang pagkaon ug snacks.
Gipahigayon ang medical mission dungan sa selebrasyon sa Kadayawan Festival aron mapaduol ang mga batakang serbisyo panglawas ngadto sa mga miyembro sa cultural communities nga gikan pa sa mga hilit nga lugar ug mibisita sa Davao City alang sa maong selebrasyon.(Camille Santos Naraga)(Source: Rigo Duterte “Atong Amigo”)