Davao City – Nasakmit sa Task Force Davao, uban sa Davao City Police Office (DCPO) ug Bureau of Internal Revenue (BIR) Region XI, ang mga smuggled nga sigarilyo nga mobalor og PhP23,070,000 sa Lasang Entry Point, Bunawan District, Davao City.
Ang operasyon, nga gihimo mga alas 04:00 sa buntag, niresulta sa pagkasikop sa upat ka mga indibidwal nga nagbibit sa mga ilegal nga nga nga butang sakay sa tulo ka managlahing sakyanan.
Giila ang mga suspek nga sila si Basir Arnaiz Abdul, 37, Ronelo Obejero Nesperos, 37, Noli Taba Aragon, 38, ug Michael Malig-on Betacura, 36, pulos residente sa Davao City.
Nakuhaan sailahang posisyon ang 769 ka mga master case sa nagkalain-laing smuggled nga sigarilyo nga gitagoan sa closed vans nga adunay lain-laing plate numbers.
Gidayeg usab ni Task Force Davao Commander Colonel Darren Comia ang hiniusang operasyon sa pagpatuman sa balaod ug ang kolaborasyon ingon man ang hugot nga pagsusi sa seguridad aron mapugngan ang mga kontrabando nga makasulod sa syudad.
Sa karon, Ang mga suspek gitugyan na sa DCPO ug BIR Region XI alang sa dugang imbestigasyon ug pagpasaka og kaso batok kanila. (Camille Santos Naraga)
(Source: Task Force Davao)