Davao City – Dali nga miresponde ang kapulisan sa Paquibato Police Station human nga nakadawat ug report nga adunay 2 ka lalaking nanghadi sa usa ka sari-sari store sa Purok 48, Sitio Malamboon, Barangay Malabog, Paquibato District, Davao City.
Giila ang duha nga si alyas “Alexander” ug alyas “Joblin”.
Sumala sa report, boluntaryong mitahan sa kapulisan ang duha ka lalaki.
Dugang niini, nakuha usab sa posisyon nila ang .9mm pistol, magazine nga adunay bala ug usa pa ka basyo sa bala.
Wala usab dokumento ang bitbit niining pistola
Sa karon, posibleng mag-atubang og kasong paglapas sa Republic Act 10591 kon Comprehensive Firearms and Ammunition Regulation Act ang suspetsado. (Camille Santos Naraga)
(Source: PIO DCPO)