Davao City – Arestado ang duha ka mga driver human nga gikasa ang drug buy-bust operation sa mga sakop sa Toril Police Station sa pagpanguna ni Police Major Michael Uyanguren sa Sitio Sitio Prudential, Brgy. Daliao.
Giila ni Police Major Michael Uyanguren ang mga suspek nga silas Danrieb Apostol alyas Abloy 39-anyos ug residenete sa Bayanihan Brgy. Toril Poblacion ug Nestor Hamot Jr., 42-anyos, nga taga Brgy. Daliao, Toril District.
Nakuha sa mga suspek ang usa ka pakete ug 7 ka laing mga sachet nga motimbag og 3.61 grams ug nagkantidad sa kapin P57,760 pesos.
Sa karon, himas rehas ang mga suspek ug magatubang sa kasong paglapas sa R.A 9165 kun ang Comprehensive Dangerous Drugs Act of 2002. (Camille Santos Naraga)
(Source: Toril Police Station)