Davao del Norte – Patay ang usa ka lalaki samtang nadala sa balay tambalan ang usa ka indibidwal kinsa gipangpusil sa mga armadong lalaki sa Purok 10B, Feeder Road 3, Tibal-og, Davao del Norte.
Giila ang namatay na biktima nga si Mark Abadia, 24 anyos, residenete sa 13A, Feeder Road 4, Barangay Tibal-og, Santo Tomas samtang giila ang usa nga si Mark Anthony Alcano, taga Purok 6, Barangay Tibal-og, Santo Tomas, Davao Del Norte.
Sumala sa report, nagkasinabot ang duha nga mamalit ug ilimnom sa sentrong bahin sa Sto.Tomas dihang gipamusil kini sa wala mailhing mga suspetsado nga nagbarog duol sa tindahan nga ilahang palitan nga nahimotang sa Calacuchi Street, Feeder Road 3 ug dayon misibat.
Sa karon, hugot nga nagpahigayon ug imbistigasyon ang kapulisan sa Sto. Tomas aron nga masuta ang suspek ug unsay motibo sa pagpamusil.
Gihimangnoan usab sa kapulisan ang publiko nga motamod kanila ug adunay misking unsang lead sa insidente. (Camille Santos Naraga)
(Source: Santo Tomas Municipal Police Station | PIO PRO-XI)