DAVAO CITY – Upat ka persona, lakip ang tulo ka miyembro sa kapulisan ug usa ka gikaingong babaeng entertainer, ang namatyan sa usa ka pagpamusil nga nahitabo sa Barangay Tubtubon, Sibulan, Negros Oriental.
Sa ulat sa kapulisan, giila ang suspek nga si Police Staff Sergeant Bonifacio Saycon. Una umanong gipusil sa suspek ang babaye sulod sa usa ka bar, nga maoy hinungdan sa pagresponde sa mga pulis sa lugar.
Atol sa pag-aresto ug sa dihang gipasakay na unta siya sa sakyanan aron dad-on sa police station, kalit nga mibira ug pusil ang suspek ug gipamusil ang tulo ka pulis nga nag-eskorta kaniya, nga miresulta sa ilang kamatayon.
Misurender ang suspek human sa insidente ug gihatag ang iyang service firearm. Padayon pa ang imbestigasyon sa kapulisan aron matino ang motibo ug kompletong detalye sa maong hitabo.(Camille Santos Naraga)(Source: Contributed)