DAVAO CITY – Duha ka sakop sa Department of Public Works and Highways (DPWH) ang natabunan og yuta kaganinang buntag, November 28, 2025, human mahitabo ang usa ka landslide sa Sta. Praxedes, Cagayan.
Sumala sa MDRRMO Sta. Praxedes, ang duha ka biktima nagabantay sa trapiko samtang nagapadayon ang clearing operation sa lugar. Apan samtang naglihok ang ilang team, kalit nga midahili ang yuta, ug wala sila makahawa dayon, hinungdan sa ilang pagkatalawom.
Ang kusog ug sagunsong pag-ulan sa milabayng mga adlaw maoy gitumbok nga hinungdan sa paghumok sa yuta nga miresulta sa landslide.(Camille Santos Naraga)(Source: Contributed)