Nakaangkon ug 99.70 porsyento nga conviction rate ang Police Regional Office 7 (PRO7) sa mga kasong may kalabotan sa iligal nga drogas gikan Enero 1 hangtod Nobyembre 26, 2025, ilawom sa Republic Act 9165 o ang Comprehensive Dangerous Drugs Act of 2002.
Sumala ni Regional Director PBGEN Redrico A. Maranan, nagpakita kini nga kalampusan sa padayon ug lig-on nga paningkamot sa tanang police units sa Central Visayas sa pagpalig-on sa case documentation ug sa pagpresentar og lig-on nga ebidensiya sa korte.
“Our performance this year shows the unwavering competence and professionalism of our police personnel. Each conviction is a product of thorough investigation, coordination, and adherence to proper procedures,” matod niya.
Gidayeg usab ang mga imbestigador, intel operatives, ug arresting teams sa PRO7 tungod sa ilang tukma ug limpyo nga pagdumala sa ebidensiya ug istriktong pagtuman sa legal nga protocols nga giila sa mga piskal nga usa sa dako nga hinungdan ngano nga milig-on ang mga kaso sa korte.
Gipasabot sa PRO7 nga kini nga kalampusan nagpalig-on sa ilang komitment sa pagpanalipod sa katawhan ug pagdala og hustisya sa tanang kaso may kalabotan sa drogas.
Padayon usab ang PRO7 sa pagpatuman og operasyon ug lig-on nga case build-up aron masiguro ang pagpatuman sa balaod ug kaluwasan sa komunidad sa Central Visayas.
Source: PRO7 PIO
I via Renante Socia Lada