DAVAO CITY – Miabot na sa Davao ang programa sa kagamhanan nga barato ug de-kalidad nga bugas-humay.
Miabot sa 1,000 ka mga minimum wage earners sa Davao City, Tagum City ug sa lungsod sa Compostela, Davao de Oro ang nakapalit sa tag-P20 kada kilo nga well-milled rice pinaagi sa Benteng Bigas Meron Na (BBM) Program.
Ang unang hugna sa maong programa sa kagamhanan gipatuman sa Region XI pinaagi sa Department of Agriculture, Department of Labor and Employment, National Food Authority uban sa Food Terminal Incorporated.
Moabot sa 30,000 ka mga trabahante ang target sa programa dinhi sa rehiyon nga molungtad hangtod sa Disyembre aron sila tabangan makapalit sa barato nga de-kalidad nga bugas. (Camille Santos Naraga)(Source: Contributed)