Malampusong gipatuman sa Davao de Oro Police Provincial Office (DDOPPO), pinaagi sa Monkayo Municipal Police Station, ang usa ka search warrant operation batok sa usa ka indibidwal nga nailhan sa alyas βRonelβ sa ulahing bahin sa Biyernes sa gabii.
Ang operasyon gipahigayon sa Barangay Banlag, Monkayo, sa koordinasyon sa Provincial Intelligence Unit, Provincial Drug Enforcement Unit, 1st Provincial Mobile Force Company, ug sa Philippine Drug Enforcement Agency (PDEA).
Atol sa operasyon, nakarekober ang kapulisan og usa ka pusil, mga bala, ug gituohang ilegal nga mga droga. Ang imbentaryo sa mga nasikop nga ebidensya gihimo dayon sa lugar sa presensya sa gikinahanglan nga mga testigo, subay sa balaod ug sa hustong mga pamaagi.
Ang suspek ug ang tanang nasikop nga mga butang anaa na karon sa kustodiya sa kapulisan samtang giandam na ang mga kasong paglapas sa Republic Act No. 9165 o ang Comprehensive Dangerous Drugs Act of 2002, ug Republic Act No. 10591 o ang Comprehensive Firearms and Ammunition Regulation Act. .(Camille Santos Naraga)(Source: Contributed)