Nasugatan pakairamanan ti 4 soldado ti aksidente ti lugan iti siudad ti laoag Naitaray iti ospital ti walo a tao pakairamanan ti uppat a soldado kalpasan ti panagdinungpar ti pick-up military vehicle ken SUV iti national highway iti Barangay Balacad, Laoag City idi lunes. Iti imbestigasyon, aggapu ti agduma a direksion dagiti dua a lugan. Bumangir koma ti SUV nga inmaneho ti 64 tawenna a babai ngem ditoy metten a nadungpar ti military vehicle. Agpadaa nadadael dagiti dua a lugan ken agpapada a nasugatan dagiti naglugan. Uppat a soldado ken uppat a sibilyan. Dagos met a naipanda iti ospital. Kuna ti pulisya a maibilang nga accident prone area ti nakapasamakan ti aksidente, ken masapol iti panagan annad dagiti motorista.
RANDY MENOR