Duha ka mga lalaki ang nasakote sa Regional Special Operations Group 11 (RSOG 11) human masakmitan og mga sigarilyo nga gibanabanaang nagkantidad og ₱22 milyon sa usa ka operasyon sa Barangay Dawis, Digos City, Biyernes, Pebrero 6, 2026.
Matud sa mga awtoridad, 440 ka master cases sa mga sigarilyo ang narekober gikan sa mga suspek, nga gituohang smuggled ug walay hustong dokumento.
Atubangon sa mga nadakpan ang kasong paglapas sa Section 7 sa Republic Act No. 12022 o ang balaod batok sa agricultural ug economic sabotage, lakip na ang Republic Act No. 10643 nga may kalabutan sa graphic health warnings sa mga produktong tabako.
Gikustodiya na sa Digos City Police ang mga suspek, samtang ang nasamsam nga mga sigarilyo ipailawom sa beripikasyon sa Bureau of Internal Revenue (Camille Santos Naraga)(Source: Contributed)