Nasakote sa mga otoridad ang usa ka high-value individual (HVI) nga giila nga si alyas Lovely human masamsam ang dagkong pakete sa gituohang shabu sa usa ka buy-bust operation sa Brgy. 76-A, Davao City, pasado alas 6:00 sa buntag niadtong Pebrero 6.
Sumala sa City Drug Enforcement Unit (CDEU), ang suspek nga 23 anyos, minyo, ug residente sa maong barangay, positibong napalit ug nakuha ang tulo ka pakete sa shabu nga gibanabanaang nagkantidad og ₱748,000 base sa standard drug price.
Human sa operasyon, gidunggo sa prisohan ang suspek ug mag-atubang og kasong paglapas sa Republic Act 9165 o Comprehensive Dangerous Drugs Act of 2002. (Camille Santos Naraga)(Source: Contributed)