Cebu City – Naluwas sa mga sakop sa PNP Maritime Group 7 ang usa ka 28 anyos nga dalaga nga milayat sa Marcelo Fernan Bridge alas 6:47 gahapon sa buntag.
Si Executive M/Sgt. Noel Rogelio Avenido miingon nga sa wala pa ang insidente, ilang nasigpatan ang babaye nga naglakaw sa tulay pinaagi sa closed-circuit television o CCTV camera.
Apan pag-abot sa taliwa sa taytayan kalit lang siyang miambak.
Suwerte na lang kay matod pa ni Avenido, dihay mananagat duol sa lugar dihang mitumaw ang insidente kinsa daling mitabang sa babaye.
Gibalhin ang babaye sa rubber boat sa PNP-Maritime Group-7 ug gida sa baybayon.
Pag-abot nila sa daplin, diha na ang ambulansiya sa City Disaster Risk Reduction Management Office (CDRRMO) sa Lapu-Lapu aron paghatod sa babaye sa tambalanan.
Nasuta nga ang milayat, molopyo sa Barangay Bankal, Syudad sa Lapu-Lapu.
Si Major Aibert Jay Samson, hepe sa station 5 sa LCPO, mitataw nga conscious ang babaye dihang gida sa Lapu-Lapu City Hospital. (Jhon Tadlip/JTY)
(News & photo courtesy of PNP Maritime Group 7)