Naangkon na usab ang ikaduhang dapit nga gahatag ug dungog sa dakbayan sa Dipolog gikan sa Department of the Interior and Local Government Regional Office IX diin gi-deklarar kini nga 2nd Place sa “Regional Disaster Preparedness Index” (RDPI) atol sa gipahigayong “Layag Awards” kaniadtong October 30, 2024, didto sa LM Hotel, sa dakbayan sa Zamboanga.
Usa ka memorandum nga nadawat sa dakbayan gikan sa Department of the Interior and Local Government Regional Office IX pinetsahan Oktubre 22, 2024 nga nagpahibalo sa nahimung resulta sa 2024 Regional Disaster Preparedness Index (RDPI) Assessment diin naangkon sa dakbayan sa Dipolog sa iskor nga 96.0 kon “Adjectival Rating” nga “High Level Compliance” diin masigarbuhon nga nakakuha ang sa 2nd Place.
Tinguha sa maong “performance measurement” nga gipanguluhan sa buhatan sa DILG nga mahibaw-an ang lebel sa “compliance” sa mga Local Government Units (LGUs) sa mga sumbanan nga gikabutang ubos sa balaod sa Republic Act of 10121 apil na ang mga rules ug regulasyon niini alang na sa pagpatuman sa disaster risk reduction and management ug ang ka maandamon sa pagpatuman sa mga LGUs mahitungod niini nga programa.
Kahibaloan ang buhatan sa DILG-DIPOLOG nagpasalamat ug daku ngadto kang City Mayor Darel Dexter T. Uy apil na sa mga hingtungdang buhatan nga gapasiugda niini tungod sa makanunayong nga pagsuporta sa pagpatuman sa mga programa ilabina sa “disaster preparedness”diin nakuha na usab kining laing pasidungog sa dakbayan sa Dipolog. (Angelica T. Obina)
(Source: Dipolog City Government)