Usa ang dakbayan sa Cagayan de Oro sa mga gipasidunggan atol sa 22nd Gawad Kalasag Seal for Excellence in DRRM and Humanitarian Assistance isip Fully Compliant Local Government Units for the Local DRRM Councils category.
Basi sa datos sa rehiyonal nga buhatan sa Civil Defense Northern Mindanao, ang Cagayan de Oro, Iligan City, Malaybalay City ug Gingoog City napiling mga awardees nga nalakip sa kapin 400 fully compliant cities and municipalities sa tibuok nasud.
Ang Gawad KALASAG Seal for Excellence in DRRM and Humanitarian Assistance nagsilbing recognition and award scheme sa nasud alang niadtong nagpalambo ug nagpatuman sa disaster risk reduction and management, climate change adaptation (DRRM-CA) ug nagprotehir ug nanalipod sa komunidad nga anaa sa taas nga risgo ug kalamidad.
Subay niini, dako ang garbo ug pasalamat ni CDRRMD Officer-in-Charge Nick Jabagat sa suporta ug kooperasyon sa katilingban ilabina sa pribadong sector diha sa pagpatuman ug pagsunod sa mga gabayan alang sa luwas nga komunidad batok kalamidad.
(Source: CIO-Cagayan de Oro)