Kalipay ug pagpasalamat ang tubag sa mga nabisitahan nga mga barangay sa Alabel ug napahigayonan sa mga ground breaking ceremony alang sa ilang gipangayo nga mga bag- ong proyekto. Pito ka mga dagkong proyekto ang nalibot sa kongresista uban ang iyang mga kaubanan nga silang Vice Gov. Elmer De Peralta, Mayor Salarda ug mga municipal councilor sa maong munisipyo.
Wala gikapoy inay makugihon nga gisulod ang pinaka layo nga mga barangay sa Alabel ni Cong. Ruel nga matud pa niini kalipay niya ang ma priority ang mga naa sa layong dapit sa munisipyo.
Gilangkuban sa mga mosunod ang mga proyektong gi bisita ug gitunol sa Kongresista, 27 million nga water clarifier facility para sa limpyong tubig sa mga taga Alabel, TESDA training center nga mokabat sa 45 milyones ka pesos, evacuation center nga mokabat sa 20 milyones ka pesos, road concreting of Brgy. Spring Alabel nga mokabat sa 200 million, 5 million nga multi purpose building sa Sitio Sofan, Brgy. Pag-asa Alabel, 13 million nga road concreting sa Brgy. Paraiso Alabel ug ang ₱ 3 million nga multi purpose building para sa ilang bag – ong barangay hall.
Kalinaw ug panag hiusa alang sa kalambuan mao ang gipangayo nga sukli sa tanang tabang nga gihatud sa ilang pagpaningkamot alang sa katawhan. (Cris Legaspi, RPN DXDX GenSan OIC)
