Gipokusan karon sa Department of Agriculture-10 ang pagpalambo sa soil health o kahimsog sa yuta isip usa sa ilang mga prayoridad alang sa kaayohan sa mga mag-uuma.
Matud ni DA-10 Regional Executive Director Jose Apollo Pacamalan, importante nga mapadayon ang kahimsog sa yuta aron bisan unsang panahon, makahimo gihapon og tanom ang mga mag-uuma. Lakip niini ang pagsiguro nga aduna gihapoy igo nga organic matter ang yuta ug malikayan ang sobrang pagka-aslom niini aron mapadayon ang natural nga abilidad sa yuta sa paghatag ug pagsuyop sa sustansiya.
Gibutyag usab ni Pacamalan nga sulod sa tulo ka tuig gikan karon, ang organic farming mahimong usa na ka non-negotiable farming system nga gitinguha nilang ipatuman ug ipalambo taliwala sa mga mag-uuma sa rehiyon.