Tungod sa padayong pagsaka sa mga bag-ong kaso sa COVID 19 ning syudad, gipaningkamotan sa CDO LGU nga matibawas na ang pagtrabaho sa COVID ward diha sa JR Borja General Hospital (JRBGH) aron matabangan ang Northern Mindanao Medical Center (NMMC) ug ubang temporary treatment and monitoring facilities (TTMF) sa pag-atiman ug pagdawat sa mga pasyente nga nataptan sa virus.
Ang COVID ward, nga gipundohan sa administrasyon ni Mayor Oscar Moreno, nahimutang sa 4th floor sa Pimentel building o south wing building ug laumang modawat sa kapin 40 ka mga pasyente ilabina kadtong anaa sa mild to moderate symptoms ang gibati.
Sa kasamtangan, anaa na sa kapin 1,000 ang bed capacity sa mga isolation units ug TTMF facilities nga gidumala sa CDO LGU alang sa mga naigo sa COVID 19 virus.
(City Information Office)