San Jose Rice and Corn Farmers Multi-purpose Cooperative (SAJORICO-FMPC) sa Barangay San Jose, nakadawat tabang pinansyal nga nagkantidad ug Php50,000.00 gikan sa kagamhanang lokal sa Dipolog pinaagi sa City Cooperative Development Office.
Kini human gipahigayon ang turn-over ceremony sa gigahin nga relief fund karong adlawa, Hulyo 25, diin si Mayor Darel Dexter T. Uy maoy mitunol sa tseke ngadto kang Ms. Gina O. Reganon, SAJORICO-FMPC BOD Chairperson.
Mensahe ni Mayor Uy atol sa gipahigayong simpleng programa, iyang gidasig ang mga miyembro sa kooperatiba sa pagpadayon sa ilang kahago aron molambo ang ilang panginabuhian.
Dugang pa nga ang iyang administrasyon andam kanunay nga mosuporta ug motabang alang sa kaayohan sa tanan. Iyang kataposang tambag ngadto sa mga miyembro nga ang labing importanteng aspeto sa pag-uswag mao ang pag-ampo kanunay sa Kahitas-an.
Sa gipadayag ni Ms. Reganon, ang iyang kinasingkasing nga pagpasalamat sa mayor sa hinabang nga gihatag niini uban ang saad nga ampingan ug gamiton ang kantidad alang sa kalamboan sa ilang kooperatiba.
Nasayran nga ang SAJORICO-FMPC natukod niadtong tuig 2001 ug aduna kini 54 ka mga regular nga miyembro ug ubos sa 10 ka mga kaubang miyembro.
Lakip sa nakasaksi sa maong kalihokan mao sila si Ms. Elena Doris R. Sarande, City Cooperative Development Officer, Ms. Herminia B. Sabando, Assistant City Treasurer, San Jose Barangay Head Ester S. Obnimaga, SAJORICO-FMPC members ug City Cooperative Development Office personnel.
(Source: Dipolog City Government Facebook page)