Contract of Usufruct alang sa Katukoran sa City College Gipirmahan na

0
6
Cagayan de Oro – SULOD lamang sa kapin usa ka tuig nga panerbisyo ni Mayor Rolando “Klarex” Uy , nahatagan na og katumanan ang damgo ug pangandoy niini nga makabaton og city college ang dakbayan alang niadtong mga naglisod gayud pagtungha sa kolehiyo.
Kini human napirmahan ni Mayor Klarex ang Contract of Usufruct tali Higaonon Indigenous Cultural Communities of Nahiliran Dansolihon nga girepresentahan ni Datu Roberto Cabaring (Datu Makilala) ug National Commission on Indigenous Peoples nga girepresentahan usab ni NCIP Provincial Director Atty Jerie Ragsac adlaw’ng Martes, Septiyembre 19, 2023.
Sa mensahe ni Mayor Klarex, iyang gipadayag ang dili matukib nga kalipay ug pasalamat sa Kahitas-an nga sa sayong panahon sa iyang pagpangalagad natuman ang iyang damgo, ingon man sa paningkamot ni Dr. Alicia Anghay kinsa maoy focal person on education ug executive director sa Local School Board.
Nasayran nga gisuportahan ug gitugotan sa 20th City Council, sa pagpangulo ni Vice Mayor Jocelyn “Bebot” Rodriguez, si Mayor Klarex nga molagda og kontrata maong katuyoan alang sa kalamboan sa edukasyon ilabina sa mga mas nanginahanglan niini.
Misaksi usab sa contract signing ang interim president sa city college nga si Dr. Jestoni Babia kauban si Ms. Maria Victoria Trinidad ug mga kadagkoan sa City College-Technical Skills and Technology Department, Chief of Staff Shiela Lumbatan ug mga department managers sa city hall.
News and photo courtesy of CIO CDO

Leave a Reply