An Station Commander sa Coast Guard Station Surigao del Norte CG LTJG CHRISTIAN ROBERT T NIETO ug si City Vice Mayor ALFONSO S. CASURRA an mitambong sa Ceremonial Ribbon Cutting ug Divine Blessing sa Coast Guard District Northeastern Mindanao (CGDNEM) Annex – Surigao City nga nahimutang sa 3rd Floor sa Barangayanon Building, Diez St., Brgy. Taft, Surigao City, jadton Hulyo 5, 2024.
An mahinungdanon nga kalihukan gitambongan isab ni Deputy Commander Coast Guard Station Surigao del Norte CG ENS NICA JOYCE C ELEDIA ingon man sa ibang PCG Tenant Unit Officers nga sila si CG ENS ROY CHRISTOPHER R ORILLANEDA an Officer-In-Charge sa Coast Guard Mobile Team (CGMT). ) Surigao City, CG ENS JUNIE RAY C TAER an Commander sa Maritime Safety Services Unit – Northeastern Mindanao (MSSU-NEM) ug CG ENS MIKE DUNHILL T MAGHINAY an Commander sa Port State Control – Northeastern Mindanao (PSC-NEM).
Si CG LT NATHANIEL D ROBILLA an Officer-In-Charge sa Coast Guard Ecumenical Chaplain Service – Northeastern Mindanao nanguna sa Divine Blessing sa tagsa-tagsa ka mga buhatan lakip na an rooftop nga gituju aron makamugna ug luwas, malambuon ug harmonious nga luna alang sa mga okupante nga nagpalambo sa pagbati sa panaghiusa ug positibo suyod sa pasilidad ingon man isab sa pagpangita sa balaanong pabor, proteksyon ug pagbati sa kalinaw.
Sa waya pa an ceremonial nga kalihokan, an Commander sa Coast Guard District Northeastern Mindanao CG CAPT CHRISTOPHER DP AURO nibisita sa nasangpit nga pasilidad aron sutaon an kahimtang sa mga operating unit nga nakabase sa Surigao City. Si CG CAPT AURO nipadangat sa ija hingpit nga suporta sa nasangpit nga pasilidad aron an mga okupante makabaton ug mas marajaw na trabahoan.
An CGDNEM Annex – Surigao City nakuha sa Philippine Coast Guard (PCG) pinaagi sa Memorandum of Agreement (MOA) tali sa City Government nga mosuyod sa PCG sa paggamit sa 3rd floor lakip na an rooftop sa building nga naghatag ug prestihiyo ug presentable nga pasilidad.
Sa pagka kuman, an pasilidad giokupahan sa lain-laing PCG units sama sa Coast Guard Mobile Team (CGMT) Surigao City, Maritime Safety Services Unit – Northeastern Mindanao (MSSU-NEM), Marine Environmental Protection Force – Northeastern Mindanao (MEPFORCE-NEM), Coast Guard Legal Unit – Northeastern Mindanao (CGLU-NEM), Coast Guard Weapons, Communications, Electronics, Information System – Northeastern Mindanao (CGWCEIS-NEM) ug Coast Guard Sea Marshal Unit – Northeastern Mindanao (CGSMU-NEM). (Mark James Lisondra)