Nagtuo si General Santos City Councilor, Atty. Franklin Gacal nga anaa ang “presumption of irregularity” sa mga multi-million peso transactions nga gisudlan sa city government may kalabot sa Covid-19 response.
Sa pakighinabi, gihagit sa konsehal ang administrasyon nga tubagon ang mga pangutana sa Commission on Audit ug sa publiko kalabot sa paggastos sa gigahing pondo.
Gihimo ni Gacal ang hagit atubangan sa Annual Audit Report sa COA nga nagkanayong “doubtful” o kaduda-duda ang maong mga transaksyon gumikan sa wala’y mga igong supporting documents nga mapakita ang LGU.
“They cannot support ang kada sentimo nga ilahang gigastos, now there is the presumption of irregularity, presumption of illegality and I should say, doubt of corruption, “ang tipik sa pamahayag ni Gacal.
Nagtuo usab ang konsehal nga “vindicated” na kini sa maong COA findings, human siya mapalagpot isip chairman sa committee on finance sa konseho.
“Kanang hotel accommodation nga P11-million wala nako giaprubahan kay walay supporting documents. Gi disapprove ko ng P40.3-million kay walay supporting documents. Ang akong premyo gikan sa admin gi tanggal ko as chairman. I’m now vindicated. The COA findings were the same questions I asked to the proponent of the budget.”
Plano usab ni Gacal nga tukion sa konseho ang maong COA findings.
