Surigao City – Si Atty. Mark Peter M. Quilaneta, ang 2024 JCI Philippines National President, ug Engr. Felix Venson A. Chua, ang 2024 JCI Philippines National Treasurer, nihatag og courtesy call ngadto kang City Mayor Pablo Yves L. Dumlao II.
Mainiton nga gihangop sa City Hall ang mga tinahod nga bisita inubanan sa mga representante sa JCI Surigao Nickel ug JCI Surigao North.
Atol sa tigum, ang mga diskusyon nakasentro sa pagpalambo sa kolaborasyon tali sa pamunuan sa JCI ug sa lokal nga gobyerno, nagpasiugda sa mga inisyatibo sa pagpalambo sa komunidad ug potensyal nga panag-uban alang sa kauswagan sa Surigao City.
Si Mayor Dumlao mipahayag og pasalamat sa pagbisita ug miila sa gipaambit nga pasalig sa civic engagement ug positibong epekto. (Ronda 21 Mark James Lisondra, photo courtesy of Surigao City PIO)