Cagayan de Oro -Gidayeg ni Mayor Klarex Uy ang lakang sa Commission on Elections pag-validate sa listahan sa mga botante kinsa bag-ohay lang mibalhin pagparehistro sa barangay Carmen ning syudad.
Matud pa ni Mayor Klarex nga mandato sa COMELEC ang pagseguro nga mapanalipdan ang katungod sa matag Pilipino nga makabotar ug mopili sa mga lideres subay sa iyang kagustohan pinaagi sa usa ka patas ug tiunay nga bugnong lugaynon.
Tungod niini, suportado ug gipaluyohan sa mayor ang integridad ug sinseridad sa COMELEC diha sa ilang kinasing-kasing nga pagtuman sa mga kaakuhan ug responsibilidad sa ahensya.
Kampante si Mayor Klarex sa mga kadagkoan sa city COMELEC nga masuta ug matino sa husto ang validation process sa listahan sa mga bag-ong registrants sa barangay Carmen.
News and photo courtesy of CIO CDO