General Santos City – Pinaagi sa usa ka seremonya, pormal nga gipasiga niadtong Nobyembre 28, 2022 sa gabie ang dakung Christmas tree ug mga Christmas lights sa atubangan ug palibot nga bahin sa City Hall ug public plaza ning s’yudad sa General Santos.
Mismo gayud si GenSan City Mayor Lorelie Pacquiao ug ubang dagku nga opisyal sa GenSan ang nanguna sa maong aktibidad nga gitambongan ug gisaksihan usab sa mga empleyado sa LGU-GenSan ug katawhan sa dakbayan.
Sa maong higayon, nabatyagan gayud sa tanan ang espirito sa kapaskohan.
Mas nahimo pang bibo ug lingaw ang nasampit nga seremonya dihang mibuswak sa kawanangan ang colorfull nga mga fireworks display human ang pag-switch on sa mga suga sa Christmas tree ug Christmas decorations sa tibuok palibot sa City Hall ug Plaza General nga ginama matud pa gikan sa Pampangga.
Sa iyang mensahe, gipasalamatan ni Mayor Pacquiao ang tanang mitambong sa maong seremonya, hilabi na ang tanang mitabang pag-plastar sa tanang Christmas lights and decorations sa naasoy nga seremonya- sama sa taga GSO-General Services Office, CEO-City Engineering Office, CMO- City Mayor’s Office ug ang City Administrator’s Office.
(Source: LGU GenSan)